Preguntas frecuentes

Poderán constituír marca os seguintes signos ou medios:

• a) As palabras ou combinacións de palabras, incluídas as que serven para identificar as persoas. Por exemplo, "DULCILIA" para distinguir produtos ou servizos, ou "El Juli" como nome artístico.
• b) As imaxes, figuras, símbolos e gráficos, por exemplo, a representación dun cabalo coas patas dianteiras en alto que distingue os coches Ferrari, ou un crocodilo para a roupa de vestir de Lacoste.
• c) As letras, as cifras e as súas combinacións, por exemplo, BBVA, Licor 43 ou S-3.
• d) As formas tridimensionais, entre as que se inclúen os envoltorios, os envases, a forma do produto ou a súa presentación.
• e) Os sons.
• f) Calquera combinación dos signos ou medios que, con carácter enunciativo, se mencionan nas alíneas anteriores.

É necesario que o signo que se pretende rexistrar sexa lícito, e susceptible de realizar as funcións que debe acometer a marca, identificar e diferenciar, o cal implica que non incorra en ningunha das prohibicións absolutas que establece a Lei, e que estea dispoñible, é dicir, que non entre en conflito con outros dereitos anteriores, xa sexa a título de marca ou outro dereito da personalidade como é o dereito ao nome ou á propia imaxe ou a outro dereito de propiedade intelectual, etc.

O custo para rexistrar unha marca sempre é o mesmo, independentemente do tipo de marca.

O que determina o custo da solicitude é o número de clases nas que se queira facer o rexistro.

O importe destas taxas actualízase anualmente a través da Lei de Orzamentos Xerais do Estado e o seu montante figura na páxina web da OEPM (Tasas OEPM)

O custo pola inscrición dunha marca ou nome comercial é de aproximadamente 144 € pola primeira clase solicitada. Existe un desconto dun 15% para as solicitudes vía electrónica. A segunda e seguintes clases solicitadas custan ao redor de 93 euros.

Para manter estes dereitos hai que facer fronte ás renovacións cada dez anos. O importe destas taxas actualízase anualmente a través da Lei de presupostos xerais do Estado e figura na páxina web da OEPM (Taxas OEPM).