Respondemos todas aquellas dudas referentes a los diferentes procesos implicados en la propiedad industrial.
Si. Os dereitos sobre unha solicitude, ou unha marca ou nome comercial son transmisibles por todos os medios recoñecidos polo dereito. Para que teñan efecto fronte a terceiros, os actos de transmisión deben ser inscritos na OEPM.
Debe procederse á cesión do rexistro, ben mediante documento público, ben mediante contrato entre as partes. A liquidación dos impostos que procedan deberá consultarse na Axencia Tributaria.
Posteriormente deberá solicitarse a inscrición da cesión á OEPM presentando o formulario de "solicitude de inscrición de cesión de signos distintivos" ao que deberá achegarse un dos seguintes documentos (a elección dos interesados):
- Copia do documento público que formaliza a transmisión.
- Impreso normalizado "documento de transferencia" debidamente completado e asinado por ambas as dúas partes.
- Impreso normalizado "certificado de transferencia" debidamente completado e asinado por ambas as dúas partes.
Os impresos normalizados obtéñense en Formularios
A solicitude de inscrición de cesión está suxeita ao pagamento dunha taxa que se establece cada ano (ver publicación de taxas anuais).
Debe ter en conta que o signo distintivo é un e non se traduce. El Corte Inglés ou Eroski, por exemplo, son sempre iguais.
A marca solicítase tal e como vaia utilizarse e, xa que logo, a decisión de solicitala nun ou varios idiomas correspóndelle ó solicitante, tendo en conta que cada denominación constitúe unha marca por si mesma.
En España o dereito sobre a marca adquírese polo rexistro. O uso dos símbolos R (rexistrada), MR (marca rexistrada) ou TM non é obrigatorio e non proporciona unha maior protección xurídica. No entanto, pode servir para informar que un determinado signo é unha marca e previr así ós posibles infractores e falsificadores.
Os símbolos R e MR úsanse unha vez que a marca foi rexistrada, mentres TM denota que un determinado signo é unha marca.
En España, para indicar que un signo é unha marca, parece máis correcto utilizar (en xeral non se fai) a R de rexistrada ou MR de marca rexistrada.
Respecto do símbolo do «copyright», é completamente diferente á R de rexistrado. Os dereitos de propiedade intelectual e consecuentemente os dereitos de autor que xeran non se adquiren polo rexistro, senón pola súa creación e difusión pública. O organismo competente é o rexistro da propiedade intelectual e o símbolo advirte precisamente da protección de que goza esa creación intelectual.