Zure produktuak, zerbitzuak edo biak beste enpresa batengandik bereizi nahi badituzu, baliteke marka edo izen komertzial bat behar izatea. Ezagutu zer diren, zer den erregistratzeko prozedura eta zer dakarren.
Información sobre los plazos de presentación de solicitudes de transformación de marcas de la Unión Europea en marca nacional española. Más información
Arazo tekniko bat konpontzen duen edo abantaila praktiko bat duen gailu, produktu edo prozedura berri bat baduzu, hura babesteko hainbat modu daude Espainian eta beste herrialde batzuetan. Ikusi nola egin.
Zure berrikuntza zure produktuaren estetikan, apainduran edo itxuran datza? Babestu diseinu industrial baten bidez. Jakin ezazu zer eskubide ematen dituen erregistroak eta nola egin izapideak.
Mundu osoan argitaratutako patenteak informazio zientifiko, tekniko eta komertzialaren iturri baliotsua dira.
reembolso del 75% del coste de Búsquedas e Informes Tecnológicos de Patentes. Más información*
Ekintzailea edo enpresa bazara eta zure negozioaren errentagarritasuna sustatu eta hobetu nahi baduzu, zure erakundeko aktibo ukiezinak behar bezala babestuz, gune honetan aurkituko duzu behar duzuna.
Respondemos todas aquellas dudas referentes a los diferentes procesos implicados en la propiedad industrial.
Patenteei buruzko 11/1986 Legeak zera dio: “Erabilera modelotzat hartuko dira asmakizun berriak, asmatze jarduera bat eskatzen dutenak, eta, azken batean, objektu jakin bati konfigurazio, egitura edo osaera bat ematen diotenak eta objektu hori erabiltzeko edo fabrikatzeko abantaila begi-bistakoren bat dakartenak”.
Eskatzen diren baldintzak antzekoak badira ere, esan daiteke erabilera modeloak ez direla hain zorrotzak, eta horregatik patenteetako asmakizunak baino garrantzi apalagoko asmakizunak babesteko erabiltzen dira. Praktikan, erabilera modeloen bidezko babesa berrikuntza apalagoetan erabiltzen da; alegia, patenteen baldintzak guztiz betetzen ez diren kasuetan.
Erabilera modeloak erabiliz babesa ematen duten herrialde gehienetan, patenteen bulegoek ez dituzte eskaerak sakonki aztertzen erregistroan sartu aurretik. Alegia, erregistro prozesua nabarmen arruntagoa eta azkarragoa izan ohi da; batez beste, sei hilabete iraun ohi du.
Erabilera modeloen babesak patenteenak baino gutxiago irauten du, eta aldatu egin daiteke herrialde batetik bestera. Espainian, erabilera modelo batek 10 urte irauten du; patente batek, berriz, 20 urte.
Prozesua errazagoa da, eta babesak gutxiago irauten du; horrenbestez, merkeagoa da erabilera modelo bat lortzea eta mantentzea.
Produktu jakin batzuk "neurri txiki batean" hobetzen edo aldatzen dituzten ETEentzako egokituta daude erabilera modeloak.
Oro har, ezagunak zaizkigun aparatu edo tresnak hobetzean datza erabilera modeloa; alegia, asmakizun mekanikoak dira.
Baina garrantzitsua da azpimarratzea Patenteei buruzko 11/1986 Legeak zehatz adierazten duela produktu kimikoak eta elikagaiak eta prozedurak ez direla babesgarriak Erabilera Modeloaren bidez. Adibidez, lizunaren kontrako pintura-mota berri bat ezin da erabilera modelo gisa babestu, baina bai margo hori zabaltzeko erabiltzen den brotxa.
Haatik, 2017ko apirilaren 1etik aurrera, Patenteei buruzko uztailaren 24ko 24/2015 Lege Berria indarrean sartuta, prozedurei dagozkien asmakizunak soilik geratuko dira erabilera modelo bidezko babesetik aparte, eta baita materia biologikoei eta substantzia eta osaera farmazeutikoei dagozkienak ere.
Patenteetarako zein erabilera modeloetarako asmakizunak berriak izatea, sormen jarduera tartean izatea eta industrian aplikazioa izatea nahitaez bete beharreko baldintzak dira.
Erabilera modeloen kasuan, patenteek dituztenen antzekoak dira betekizun hauek, hau da, berritasuna eta sormen jarduera, nahiz eta ez diren hain modu zorrotzean aplikatzen. Gainera erabilera modeloak beti objektuak izango dira (musika-tresnak, erremintak, aparatuak, gailuak), haien konfigurazioa, egitura edo osaketa dela eta, abantaila nabaria dakartenak bere erabilera edo fabrikaziorako.
Hori dela eta, prozedura asmakizunak, produktu kimikoak, elikagaiak edo materia biologikoa duten asmakizunak ezin dira erabilera modelo gisa babestu.
2017ko apirilaren 1etik aurrera, Patenteei buruzko uztailaren 24ko 24/2015 Lege Berria indarrean sartuta, prozedurei dagozkien asmakizunak soilik geratuko dira erabilera modelo bidezko babesetik aparte, eta baita materia biologikoei eta substantzia eta osaera farmazeutikoei dagozkienak ere.
Bai, zilegi da erabilera modelotik asmakizun patentearen modalitaterako aldaketa eskatzea aurkakotasunei erantzuteko epea amaitu bitartean eta, hala badagokio, OEPM Bulegoak emandako kontrako arrazoiei erantzuteko epea amaitu bitartean. Aurkakotasunak aurkezten ez badira, eskatzaileak modalitatea aldatzeko eskaera egin ahal izango du, onartu arte.
Aldaketa onartuz gero, bere horretan geldituko dira aurkezpenaren data edota lehentasuna.
Dokumentazio hau aurkeztu beharko da:
- eskari-orria (3101 eredua, OEPM Bulegoaren web-orrian, www.oepm.es, Erabilerak/Formularioak atalean eskuragarri), modalitate-aldaketa eskatzen dela adieraziz (garrantzitsua da modalitate modura "asmakizun patentea" adieraztea eta eskari-mota modura "modalitate-aldaketa", eta jatorrizko erabilera modeloari dagozkion datu guztiak ematea)
- asmakizunari buruzko laburpen bat, gehienez 150 hitzekoa.
Izapide horrek berekin dakar "Modalitatea aldatzeko eskaera" tasa ordaintzea, Tasa eta Prezio Publikoei buruzko indarreko zerrendaren arabera (Eskuragarri Erabilerak/Tasa eta prezio publikoak atalean, OEPM Bulegoaren web-orrian).
Patenteak edo erabilera modeloak gordailuan uzteko adierazi dizkizugun leku beretan aurkez ditzakezu dokumentuak.
Gaur egun herrialde eta eskualde gutxi batzuek −esanguratsuak diren arren− baino ez dute babesa eskaintzen erabilgarritasun-ereduaren bitartez.Honako herrialde hauetan babesten dituzte, hain zuzen, erabilgarritasun-ereduak: Alemania, Argentina, Armenia, Australia, Austria, ARIPO, Bielorrusia, Belgika, Brasil, Bulgaria, Txina, Kolonbia, Costa Rica, Danimarka, Eslovakia, Espainia, Estonia, Etiopia, Errusiar Federakundea, Filipinak, Finlandia, Frantzia, Georgia, Grezia, Guatemala, Hungaria, Irlanda, Italia, Japonia, Kazakhstan, Kenya, Kirgizistan, Malasia, Mexiko, OAPI, Herbehereak, Peru, Polonia, Portugal, Txekiar Errepublika, Koreako Errepublika, Moldaviako Errepublika, Tajikistan, Trinidad eta Tobago, Turkia, Ukrainia, Uruguai eta Uzbekistan. (http://www.wipo.int/sme/es/ip_business/utility_models/utility_models.htm)
BOPI
Sede Electrónica
